ကာတွန်းရုပ်ပြ ဖတ်ရအောင်

မနက်အပြင်ထွက်တိုင်း ခေါင်းရင်းခြံထဲက သရက်ပင်ကြီးအောက်ကို အမြဲကြည့်ဖြစ်တယ်။ ကျွန်တော့်ငယ်ဘဝတစ်လျှောက်လုံး တစ်နေ့တာရဲ့ ၄ ပုံ တစ်ပုံသော အချိန်တွေဟာ ဒီအပင်ကြီးအောက်က အခုမရှိတော့ပြီဖြစ်တဲ့ အဖီဆောင်လေးမှာကုန်ဆုံးခဲ့ဖူးတယ်လေ။

အရင်အိမ်ရှင်တွေက ဒီနေရာမှာ စာအုပ်အငှားဆိုင်လေးဖွင့်ထားဖူးတယ်။ ကျွန်တော် ၁၂ နှစ်သား အရွယ်လောက်အထိပါပဲ။ ဆိုင်ရှင်မိသားစုနဲ့ရင်းနှီးတာကြောင့် အထူးအခွင့်အရေးအနေနဲ့ အဲ့ဆိုင်က စာအုပ်တွေကို ငှားဖတ်စရာမလိုပဲ နေ့တိုင်းထိုင်ဖတ်ခွင့်ရခဲ့ဖူးတယ်။ ဆိုင်ထဲက ကာတွန်းစာအုပ်ပုံကြားမှာ ရယ်စရာ မောစရာ သောစရာတွေနဲ့ ဘဝအမောတွေပြေလျော့ခဲ့ဖူးတယ်။ ဒါကြောင့်လည်း ကလေးဘဝဟာ ကာတွန်းရုပ်ပြတွေကြားထဲမှာ လန်းဆန်းတက်ကြွနေခဲ့ဘူးတယ်။ ခုတော့ ဆိုင်လေးလည်း မရှိတော့ပြီ။ အမျိုးမျိုးသောအကြောင်းပြချက်တွေနဲ့ လွင့်ပါးပျောက်ကွယ်သွားတဲ့ ရပ်ကွက်လေးထဲက တခြားစာအုပ်အငှားဆိုင်လေးတွေလိုပဲ သူလည်းထာဝရ ပျောက်ကွယ်သွားပါပြီ။

ကာတွန်းရုပ်ပြမရှိတဲ့ ဘဝမှာနေထိုင်နေကြရတဲ့ လမ်းထဲက ကလေးတွေကို မြင်တိုင်း စာအုပ်အငှားဆိုင်လေးကို သတိရမိတယ်။ သူတို့ခမျာ ကာတွန်းစာအုပ်တွေအစား တီဗီတွေ ဗီဒီယိုဂိမ်းတွေ မိုဘိုင်းဖုန်းတွေရဲ့ အစားထိုးခြင်းကို ခံလိုက်ကြရတယ်။ ဒါပေမယ့် အခြေခံလူတန်းစာတွေများတဲ့ ကျွန်တော်တို့ရပ်ကွက်ထဲမတော့ လူငယ်တွေဟာ မိုဘိုင်းဖုန်းတွေဆီလည်း လက်မလှမ်းနိုင်သေးသလို ကာတွန်းစာအုပ်တွေလည်း သူတို့ရှေ့မှာ မရှိကြတော့ပါဘူး။ သူတို့ကို တိုးတက်စေမယ့် သုတ၊ သူတို့ရင်ထဲက အမောတွေကို ဖြေလျော့ပေးမယ့် ရယ်မောစရာ၊ သူတို့အတွက် ခွန်အားသစ်တွေပေးမယ့် အဆန်းတကြယ် စိတ်လှုပ်ရှားမှင်သက်ဖွယ်ရာ ၊စတာတွေ ပေးမယ့် ဘယ်အရာမှ သူတို့နားမှာ မရှိကြဘူး။

ကျွန်တော်တို့ ငယ်ငယ်ကဆို ကာတွန်းရုပ်ပြလို့ ခေါ်ဆိုကြတဲ့ (Comics Book) စာအုပ်တွေဟာ ငယ်ဘဝတစ်လျှောက်မှာ အရေးပါတဲ့ နေရာတစ်ခုကနေပါဝင်ခဲ့တယ်။ ကိုယ်တိုင်လည်း ငယ်စဉ်ကလေးဘဝတစ်လျှောက် ကာတွန်းစာအုပ်တွေကတဆင့် အသိပညာနဲ့ ဗဟုသုတတွေနဲ့ အပျော်တွေကို ရခဲ့ရဖူးတယ်။ ရွှေသွေး၊ ရွှင်ပြုံးနဲ့ တတိုင်းမွှေးလို့ ကာတွန်းစာစောင်တွေ မြိုင်ရာဇာတွတ်ပီ၊ အရိုင်း၊ ပြာဂလောင် ပြာလချောင်၊ ဂျောက်ဂျက်၊ စံရွှေမြင့်၊ ရွှေခေါင်းပြောင်၊ သမိန်ပေါသွပ်၊ ဦးစိတ်တို မျောက်ညို၊ ဖိုးဆိတ်ဖြူ စသဖြင့် ကိုယ့်ခေတ်ကိုယ့်အခါက ကာတွန်းဇာတ်ကောင်တွေကို ဖက်တွယ်ရင်း ကြီးပြင်းလာခဲ့ရတာပါပဲ။ ဒီ့အတွက် ရလာတဲ့အကျိုးကျေးဇူးတွေက များလည်းများပါတယ်။ ဒီနေ့ခေတ်ကလေးတွေမှာ ဒီလိုအခွင့်အရေးမျိုး ရှားပါးလာနေတယ်။

ဆိုင်တွေပျောက်ဆုံးသွားတဲ့နောက်မှာ ဖတ်စရာကာတွန်းရုပ်ပြတွေ နည်းပါးလာသလို ဒီဘက်ခေတ်အပိုင်းမှာ မိဘတွေဆီကလည်း အားပေးတိုက်တွန်းမှုတွေကလည်း နည်းပါးလာနေတယ်။ ယျေဘုယျအားဖြင့် ဘာကြောင့်ကလေးတွေကို ကာတွန်းပေးဖတ်ဖို့ မကြိုးစားကြတာလဲလို့မေးတဲ့အခါ ရုတ်တရက်အဖြေပျောက်နေတတ်ပါတယ်။ စာအုပ်အလွယ်တကူရှာရခက်လာတာနဲ့ အရင်လိုငှားမရတော့ပဲ ဝယ်ဖတ်ရတာကြောင့် ကုန်ကျမယ့်ဈေးနှုန်းပိုင်းတွေကိုပဲ အကြောင်းပြကြတယ်။

တဖြည်းဖြည်းနဲ့ လူအများရဲ့ စိတ်ထဲမှာ ကာတွန်းဆိုတာ အရေးကြီးတဲ့အရာမဟုတ်ဘူး၊ အပျော်ဖတ်လို့ ခပ်ပေါ့ပေါ့ပဲ စွဲမှတ်နေကြပါပြီ။ မိမိတို့ရဲ့ ကလေးတွေနဲ့ မိမိတို့ကိုယ်တိုင် အင်အားစိုက်ထုတ်ပြီးဖတ်သင့်တယ်ဆိုတဲ့ အတွေးမျိုးမရှိကြတော့ပါဘူး။ ဒီမေးခွန်းကို အသက်အရွယ်အားဖြင့် ရင့်ကျက်နေပြီဖြစ်တဲ့ ၃၅-၅၀ အသက်အရွယ်လူလတ်ပိုင်း မိတ်ဆွေတစ်ချို့ကို မေးကြည့်ဖူးပါတယ်။ အများစုကတော့ ကာတွန်းဖတ်တာ ကလေးအလုပ်လို့ တုန့်ပြန်ကြပါတယ်။ ဒါဟာ မြန်မာမိဘအသိုင်းအဝိုင်းကြားမှာ စွဲထင်နေတဲ့ ကြီးမားတဲ့ အယူအဆ အမှားအယွင်းတစ်ခုလို့ ဆိုလို့ရပါတယ်။

အကြမ်းအားဖြင့် ကာတွန်းရုပ်ပြတွေကို ရည်ရွယ်ချက်အမျိုးမျိုးနဲ့ ထုတ်လုပ်လေ့ရှိပါတယ်။ လူငယ်ဖတ်၊ လူကြီးဖတ် အမျိုးမျိုးရှိသလို သေချာလေ့လာကြည့်မယ်ဆိုရင် ဒီကာတွန်းရုပ်ပြတွေကနေတဆင့် ပေးလာတဲ့ အသိပညာကလည်း ဘာသာရေး၊ သိပ္ပံ၊ အနုပညာ၊ ယဉ်ကျေးလိမ္မာကနေစလို့ နယ်ပယ်ကဏ္ဍပေါင်းမြောက်များစွာကို ရည်ညွှန်းနိုင်တာကို မြင်ရပါတယ်။ ဒါကြောင့် ကာတွန်းရုပ်ပြတွေဟာ လူငယ်တွေနဲ့ ကလေးတွေအတွက်ချည်းထုတ်ထားတာလို့ မှတ်ယူကြတာဟာ မှားယွင်းတဲ့ အမြင်လို့ ဆိုလိုရခြင်းဖြစ်ပါတယ်။ ပြည်တွင်းမှာထက် အမျိုးအစားစုံစုံလင်လင်ပိုထုတ်ဝေတတ်တဲ့ ပြည်ပက ကာတွန်းရုပ်ပြတွေမှာဆိုရင် Rating အဆင့်တွေ ခွဲခြားသတ်မှတ်ထားပါတယ်။ ကာတွန်းအများစု (အထူးသဖြင့် ကမ္ဘာတစ်ဝှမ်းမှာ လူကြိုက်များ နာမည်ကြီးလှတဲ့ စူပါဟီးရိုးကာတွန်းတွေ) ဟာ Adult (အရွယ်ရောက်ပြီးသူတွေ ရင့်ကျက်သူတွေ) ကို ရည်ရွယ်ထားပါတယ်။

တစ်ခုပြောစရာရှိတာက ဒီနေ့ခေတ်မှာ ရုပ်ရှင်ချစ်ပရိတ်သတ်တွေက ဟောလိဝုဒ်က စူပါဟီးရိုးရုပ်ရှင်တွေကို သိပ်သဘောကျကျပါတယ်။ အဓိပ္ပါယ်ရှိသည်ဖြစ်စေ မရှိသည်ဖြစ်စေ ဇာတ်လမ်းဇာတ်အိမ်နဲ့ သရုပ်ဆောင်အတတ်ပညာပိုင်း အားလျော့မှုတွေရှိနေပေမယ့် ဒီနေ့ခေတ်ရဲ့ ဝင်ငွေအကောင်းဆုံး ရုပ်ရှင်တွေမှာ စူပါဟီးရိုးဇာတ်ကားတွေက အမြဲလိုလိုထိပ်ဆုံးမှာပါ။ လက်ရှိနာမည်ကြီးနေတဲ့ စူပါဟီးရိုးရုပ်ရှင်တွေအားလုံးဟာ Graphic Novel (ကာတွန်းရုပ်ပြ) တွေရဲ့ ဇာတ်လမ်း ဒါမှမဟုတ် ဇာတ်ကောင်တွေကို အခြေခံပြီး ပြန်လည်ဖန်တီးထားတာမျိုးဖြစ်ပါတယ်။ ဒီအချက်ကိုတော့ ရုပ်ရှင်ကြည့်ရှုသူ ပရိတ်သတ်တွေရဲ့ ထက်ဝက်လောက်သာ သိကြတယ်လို့ ဖတ်မှတ်ဖူးပါတယ်။

ဒီအချက်ကြောင့်လည်း ရုပ်ပြအခြေခံ စူပါဟီးရိုးရုပ်ရှင်တွေကို ကြည့်ရှုရာမှာ ပိုအသက်ဝင်စေဖို့ မူရင်းကာတွန်းတွေကို ဖတ်ရှုလေ့လာထားတာမျိုး အင်္ဂလိပ်စာ အားသားချက်ရှိတဲ့ လူငယ်အသိုင်းအဝိုင်းကြားမှာ အတန်အသင့်အားဖြင့် ခေတ်စားလာနေပါတယ်။ ဒါကြောင့် မြနမ်ာကာတွန်းရုပ်ပြတွေကို ဖတ်ရှုမှုနှုန်းကျဆင်းလာပေမယ့်လည်း ပြည်ပကောမစ်ရုပ်ပြတွေကိုဖတ်ရှုမှုကတော့ လူလတ်ပိုင်းတွေအကြားမှာ အထိုက်အလျောက် တိုးတက်လာနေတာပါတယ်။

လက်ရှိမြန်မာကာတွန်းရုပ်ပြတွေအပေါ် လူစိတ်ဝင်စားမှုလျော့နည်းလာနေတာဟာ မြန်မာကာတွန်းရုပ်ပြတွေရဲ့ လက်ရာနဲ့ ဖန်တီးမှုပိုင်း အားနည်းလာခြင်းပေါ်မှာ အဓိကမှီတည်နေသလိုပဲ ကျွန်တော်တို့ ငယ်ငယ်ကလို စာအုပ်အငှားဆိုင်ယဉ်ကျေးမှုမရှိတော့တာနဲ့ ကာတွန်းတွေရဲ့ အဓိပ္ပါယ်နဲ့ တကယ်ပေးချင်တဲ့ အကြောင်းအရာကို နားမလည်ကြတော့တာတွေက လူတွေကို ကာတွန်းတွေနဲ့ အလှမ်းဝေးစေပါတယ်။

တကယ်တမ်း သေချာစဉ်းစာကြည့်မယ်ဆိုရင် ကာတွန်းဖတ်ရှုမှုဟာ ကျွန်တော်တို့ရဲ့ စာဖတ်နှုန်းနဲ့ တွေးခေါ်မျှော်မြင်နိုင်စွမ်းကို တိုးတက်စေတာပါ။ စာဖတ်ရမှာပျင်းတဲ့သူတွေအတွက် ပိုလို့တောင် သင့်တော်ပါသေးတယ်။ နာမည်ကျော် ကာတွန်းပညာရင် Scott McCloud “ကာတွန်းတွေဟာ လူတွေရဲ့ ဦးနှောက်တွေကို စာဖတ်ချင်လာအာင်နဲ့ စကားလုံးတွေကို သွက်သွက်လက်လက်အသုံးပြုတတ်လာအောင် သင်ပေးတယ်။” လို့ပြောဖူးတာပါ။ ကာတွန်းဆွဲသူတွေဟာ သူတို့တွေရဲ့ ဇာတ်ကွက် ဇာတ်လမ်းတွေထဲမှာ သူတို့တွေရဲ့ကိုယ်ပိုင် ဗဟုသုတတွေနဲ့ စိတ်ကူးစိတ်သန်းတွေကို ထည့်သွင်းမြှုပ်နှံပြီး ဇာတ်လမ်းရဲ့ တစ်စိတ်တစ်ပိုင်းအဖြစ် ဖန်တီးကြတယ်။ အဲဒီအတွက် စာဖတ်သူတွေကလည်း သူတို့ ချပြတဲ့ ဗဟုသုတတွေ အတွေ့အကြုံတွေနဲ့ စိတ်ကူးစိတ်သန်းတွေကို ကာတွန်းစာအုပ်တွေကနေတဆင့် ပြန်ရပါတယ်။

ဥပမာ သာမန်လူတွေအတွက် ပျင်းရိငြီးငွေ့ဖွယ် ရူပဗေဒသီအိုရီတွေကို The Flash လို ကာတွန်းဇာတ်လမ်းထဲကနေတဆင့် ဇာတ်လမ်းဇာတ်ကွက်နဲ့တကွ သိနိုင်ပါတယ်။ နောက်ပြီး ဇာတ်လမ်းဇာတ်ကွက် ဇာတ်ရုပ်တွေရဲ့ သဘာဝကျမှု ယုတ္တိတန်မှုတွေကို ဖတ်ပါများလာတဲ့အခါ ချင့်ချိန်လာနိုင်ပါတယ်။ နောက်ပြီး အမေရိကန်အစိုးရ အဆက်ဆက်လက်ကိုင်ထားခဲ့တဲ့ ကမ္ဘာလုံးဆိုင်ရာ ကာကွယ်စောင့်ရှောက်သူ ကမ္ဘာ့ဝင်ရိုးဝါဒဟာ စူပါမန်းကာတွန်းတွေကနေ အိုင်ဒီယာစတင်ရလာတာဖြစ်ပါတယ်။ ကာတွန်းတွေဟာ ကမ္ဘာလုံးဆိုင်ရာ အပြောင်းလဲတွေကိုလည်း ဖန်တီးပြတတ်တယ်ဆိုတဲ့ သဘောပါပဲ။

နောက်တစ်ချက်က ကာတွန်းရုပ်ပြဆိုပေမယ့် လူဆိုး လူကောင်းစတဲ့ ဇာတ်ကောင်တွေအကြောင်းဆိုတာထက် ပိုတဲ့ မက်ဆေ့ခ်ျတွေ ပေးတတ်တာပါပဲ။ ကာတွန်းအများစုက သူရဲကောင်းတွေအကြောင်းနဲ့ မေတ္တာဘွဲ့တွေဖြစ်ပေမယ့် ပုံသဏ္ဍာန်အမျိုးအစားစုံလင်တဲ့ ဇာတ်လမ်းဇာတ်ကွက်တွေနဲ့ ကာတွန်းတွေအများကြီးပါ။ နောက်ပြီး တစ်ချို့သော ဇာတ်လမ်းတွေရဲ့နောက်ကွယ်မှာ ကာတွန်းဆိုတာထက် ပိုလေးနက်တဲ့ ဇာတ်လမ်းအစစ်တွေရှိနေတတ်ပါတယ်။ Maus ဆိုတဲ့ ကာတွန်းကို ရေးဆွဲတဲ့ ကာတွန်းဆရာ Spiegelman ရဲ့ ဖခင်ဟာ Holocaust အဖြစ်ဆိုးကိုကြုံခဲ့ရသူဖြစ်တာကြောင့် ကာတွန်းဆရာဟာ နာဇီဝါဒကို လှောင်ပြောင်တဲ့ ဇာတ်လမ်းတွေကို အစဉ်တစ်စိုက် ဖန်တီးခဲ့ပါတယ်။ ၁၉၈၀ ကျော် ပတ်ဝန်းကျင်က ထွက်ရှိခဲ့တဲ့ Watchmen ရုပ်ပြဟာဆိုရင်လည်း စစ်အေးခေတ်ကာလ နိုင်ငံရေးအဖြစ်အပျက်တွေကို သရော်ထားသလို စူပါဟီးရိုးဝါဒကိုလည်း ပြန်လည်ဆန်းစစ်ပြထားပါသေးတယ်။

ဒါ့အပြင် ကာတွန်းရုပ်ပြတွေဟာ သမိုင်း၊ ဖောက်ထွက်တွေးခေါ်နိုင်စွမ်း၊ စာပေအနုပညာတွေ ပြင်ပကမ္ဘာက တကယ့်လူစွမ်းကောင်းတွေနဲ့ပါ ချိတ်ဆက်နေတယ်။ ကျွန်တော်တို့ ကာတွန်းဖတ်ကြတဲ့အခါ ဒေသန္တရဗဟုသုတကနေ သမိုင်းဘာသာရပ်အထိ ဗဟုသုတတွေရနိုင်ပါတယ်။ ဥပမာအနေနဲ့ DC Comics ရဲ့ Batman နဲ့ Detective Comics လိုမျိုး ကာတွန်းမျိုးတွေရဲ့ ပထမဆုံး ထွက်ရှိခဲ့ချိန်က Issue မျိုးတွေကို ပြန်လေ့လာဖတ်ရှုကြည့်ပါ။ အဲဒီအချိန်က သူတို့တွေရဲ့ ဝတ်စုံတွေ၊ အတတ် ပညာတွေနဲ့ အရည်အချင်းတွေဟာ သူတို့ခေတ်ကို ထင်ဟပ်ပြနေသလို ဒီနေ့ခေတ်ထွက်ရှိနေတဲ့ Issue တွေကလည်း ယနေ့ခေတ်ကို ထပ်ဟပ်ပြနေတုန်းပါပဲ။

၅၅၀ ဇာတ်နိပါတ်တော်တွေ၊ ဇာတ်တော်ကြီးဆယ်ဘွဲ့၊ မြန်မာစကားပုံဆိုရိုးတွေ၊ မြန်မာ့သူရဲကောင်းတွေ၊ မြန်မာ့သမိုင်းဖြစ်ရပ်တွေ၊ မြန်မာ့ရိုးရာအစားစာတွေအကြောင်းတွေ စတာတွေကို ကျွန်တော်တို့ငယ်ငယ်ကလေးဘဝမှာ ကာတွန်းရုပ်ပြတွေကနေတဆင့်ပဲ ပေါ့ပေါ့ပါးပါး သိခွင့်ရခဲ့တာပါ။ သက်ဆိင်ရာစာအုပ်အထူကြီးတွေကို ကလေးဘဝမှာ ဖတ်ဖြစ်ဖို့ဆိုတာ ဖြစ်မှမဖြစ်နိုင်ပဲ။

နောက်ပြီး ကာတွန်းရုပ်ပြမဟုတ်ပေမယ့်လည်း ကာတွန်းရုပ်ရှင်တွေထုတ်လုပ်ခဲ့တဲ့ Disney ဟာဆိုရင်လည်း သူဖန်တီးခဲ့တဲ့ ဇာတ်လမ်းတွေထဲမှာ သင်္ကေတဝါဒဆိုင်ရာ လျှို့ဝှက်ချက်တွေ၊ ဗာဟီရဝါဒီဆိုင်ရာ လျှို့ဝှက်ချက်တွေနဲ့ ခရစ်ယာန်ဝါဒ၏ အငြင်းပွားဖွယ် ဒဏ္ဍာရီတစ်ခုဖြစ်တဲ့ the Holy Grail နဲ့ စပ်ဆိုင်တဲ့ အချက်တွေကို လျှို့ဝှက်ထည့်သွင်းဖော်ပြခဲ့တယ်လို့ ယူဆခြင်းခံရတာကြောင့် ယနေ့ခေတ်တ်ိုင် ဘာသာရေးသမိုင်းပညာရှင်တွေ နဲ့ သင်္ကေတပညာရှင်တွေဟာ သူဖန်တီးခဲ့တဲ့ ရုပ်ရှင်တွေကို လေ့လာနေကြရဆဲဖြစ်ပါတယ်။

ဒီလိုဆန်းကျယ်မှုတွေ ဖန်တီးပေးနိုင်တဲ့ကာတွန်းတွေကို ကျွန်တော်တို့ ဘာလို့ လူငယ်တွေဖတ်ချင်လာအောင် တွန်းအားမပေးနိုင်ကြတာလဲ။ အခိုက်အတန့်လေးပဲဖြစ်ဖြစ် ကာတွန်းဖတ်ကြတဲ့အခါ ကျွန်တော်တို့ အသိတစ်ခုခု ခံစားချက်တစ်ခုခုကျန်ရစ်ခဲ့ပါတယ်။ လွန်ခဲ့တဲ့ ဆယ်စုနှစ်တစ်စုကျော် ကျွန်တော်တို့ ငယ်ဘဝက ဖတ်ရှုခဲ့တဲ့ကာတွန်းရုပ်ပြစာစုတွေက အသိတွေနဲ့ ဗဟုသုတတွေက ဒီနေ့အထိ ကျွန်တော်တို့ကို မသိစိတ်ကနေ ထိမ်းကျောင်းပဲ့ပြင်နေတုန်းဆိုတာသေချာပါတယ်။ စာနာစိတ်ထားရမယ်။ မကောင်းတာတွေ မလုပ်သင့်ဘူး။ ကျွန်တော်တို့တွေဟာ လူအချင်းချင်း ရိုင်းပင်း ကူညီရမယ်ဆိုတဲ့ စိတ်ဓာတ်မျိုးကို ကာတွန်းရုပ်ပြတွေကနေ အများဆုံးရခဲ့တာဖြစ်ပါတယ်။

တကယ်တမ်းက ကာတွန်းဟာ စာမဖတ်ဖြစ်သူတွေကို စာဖတ်ဖြစ်စေတဲ့ ပေါင်းကူးတံတားတစ်ခုဖြစ်ပါတယ်။ အသက်အရွယ်အလိုက်သိထားသင့်တဲ့ မဖတ်ဖြစ်သေးတဲ့ အရေးပါတဲ့ အသိတွေကို ပေါ့ပေါ့ပါးပါး လွတ်လွတ်လပ်လပ် သိမြင်ခွင့်ပေးတဲ့ ပလက်ဖောင်းတစ်ခုဖြစ်ပါတယ်။ ဒါကြောင့် ကာတွန်းဖတ်တဲ့ အလေ့အထလေးဟာ မြန်မာလူထုအကြားကနေ ဒီထက်ပိုအားနည်း ပျောက်ကွယ်မသွားဖို့လိုအပ်ပါတယ်။ ဒီအလေ့အထလေးသာပျောက်သွားခဲ့မယ်ဆိုရင် နောင်လာမယ့် မျိုးဆက်ဟာ တင်္ခနုပတ္ထိဥာဏ်၊ စာဖတ်ချင်စိတ်နဲ့ သုတရှာမှီးလိုစိတ်လေးပါလျော့ပါးလာမယ့် မျိုးဆက်ဖြစ်သွားပါလိ့မ်မယ်။

Monywa Gazette

21st Jan 2018

#Comics #Cartoon #Reading #Childhood